Денеска започнува турнејата на Ѓорѓи Крстевски со велосипед низ Македонија, која ке опфати 15 градови. Турнејата ќе започне од плоштадот Македонија во Скопје во 12 часот.
Ние сме семејство Ристески од Прилеп, кое е засегнато од еден огромен проблем. Нашите две дечиња, Андријана и Менде, се болни од една ретка болест (Ataksija Telengiektazija), а за проблемот да биде уште поголем, овој наш случај е едниствен во Македонија и не постои компетентен стручен медицински кадар кој што може да влијае врз подобрување на состојбата на нашите деца. Тргнувајќи од фактот дека ова е прилично нова болест и на светско ниво, единтвени моментални пробни третмани се вкучени во проектот кој с еизведува во болницата "John Hopkins" во Балтимор. Оваа година во мај е закажана операција која чини над 120 000 $ , но за жал, тоа е преголема сума за нашата фамилија. Операцијата е закажана за 5ти мај 2008. Андријана Ристеска
ж-ка 300021000004948
Менде Ристески
ж-ка 30021000004851
во Комерцијална Банка, Прилеп
и телефонскиот број 070-143-143
Филмот „Јас сум од Титов Велес“ на режисерката Теона Стругар Митевска вчера премиерно беше прикажан во Домот на културата „Марко Цепенков“ во Прилеп.
Во галеријата при Домот на култура „Марко Цепенков“ во Прилеп е отворена самостојната изложба „Земја од соништата“ од ликовната уметница Мариета Сидовски. Ќе бидат презентирани 44 дела - објекти изработени на дрво, во комбинирана техника со природни материјали настанати во периодот од 2006 до 2008 година.
Со учество на над илјада учесници со 250 маски во недела во Прилеп ќе се одржи годинашниот седми по ред интернационален карневал „Прочка 2008 „. Низ булеварот ќе продефилираат бројни маски од Прилеп, Бугарија, Црна Гора, Словенија, Хрватска, Србија и Грција. На вчерашната прес конференција организаторите Здружението „Прилепски мечкари“ и општина Прилеп соопштија дека маскараданата атмосфера ќе почне в сабота на плоштадот „Александрија“ со парада на мажоретките и градскиот оркестар и дефиле на странските маскирани групи. Воедно во сабота ќе биде отворена и ликовна изложба на цртежи на тема“Маски“ изработени од прилепските ученици. На отворањето на манифестацијата, сабота во 19 часот, ќе се одржи пригодна културно- уметничка програма. Фондот на награди за годинашниот карневал изнесува 58 илјади денари.
На меѓународната изложба "ГАЛЕРИЈА 21" во Москва, на тема "Акумулација" учествува и ликовниот уметник Златко Крстевски. На изложбата, која ќе трае до 20 март, учествуваат и уметници од САД ,Франција, Австралија, Белгија, Германија, Јапонија, Русија, Уругвај и од Италија. На изложбата секој уметник учествува со рачно изработена уметничка книга во еден единствен тираж. „Учествувам со минијатурен речник, посветен на македонските темплари, во кој се жигосани 100 печати - симболи на средновековна Македонија, испреплетени со урбани елементи, отцртувајќи го македонскиот идентитет“, вели Крстевски.
Во недела на сцената на народниот театар „Војдан Чернодрински“ во 11.00 часот ќе се одржи премиерата на претставата „Приказна за војникот“ која е во реализација на театарската работилница на Центарот за култура „Марко Цепенков“. Режисер е Игор Трпчески по текст на Шарл Ф. Рами, кореографијата е на Кире Миладиноски, сцената и костимографијата се на Бојана Артиновска, а музика е на Игор Стравински. Во претставата учествуваат младите актери: Бобан Алексоски, Илија Волчески, Теодора Костадиноска, Елена Ристеска, Ангела Димоска и Наталија Трајкоска.
Вечерва во клубот „Апореа“ свој концерт ќе одржи култната Македонска група „Мизар“. Тие пред прилепската публика ќе го претстават својот најнов албум „Поглед кон цветната градина“. Нема сомнение дека Горан Таневски, Горазд Чаповски и останатите членови на бендот ќе дадат се од себе да се прикажат во најдобро светло и на вистински начин да го приближат својот последен проект пред своите фанови. Претходно, на крајот од минатата година тие имаа голем концерт во Универзалната сала во Скопје. Влезот е 80 денари, а почетокот ќе биде околу 23.00 часот.
