Александра Пилева во сабота настапува на „Пиво Фест“

Александра Пилева на 30. август ќе одржи концерт во рамките на манифестацијата „Пиво фест“ 2008 која традиционално се одржува во Прилеп.

На своите настапи во живо, Пилева ги претставува рефрените од новото цеде „Get Back To Studio Rock & Roll“ пред неговата официјална промоција во септември. Повратничкиот проект, за кој нагласи дека е нејзиниот прв вистински во кариерата, беше најавен со темата „Луда“, а на истиот сними и заеднички сингл со скопскиот метал состав „Dedicated for Life“.

Извор: Кирилица

Гоце Бошкоски на фестивал во Зеница

По 16-ти пат годинава, во Зеница (Босна и Херцеговна) се одржува најголемиот спектакл Радиски Регионален Фестивал, на кој во три вечери учесвтво ќе земат многубројни звучни имиња од целиот Балкан.

Организаторите учеството на пејачите го поделиле така што на 29. август е предвидено отворањето на фестивалот со изведувачи од БиХ, а на 30. август учество на 20 претставници на своите земји меѓу кои и нашиот единствен претставник - Гоце Бошкоски - Чоки, кој пред широкиот аудиториум ќе ја исполни темата Оваа ноќ, со која, пак, се закити со награда за најдобра интерпретација на Еврофест 2007 година.
Извор: МММ

Бесплатен рок концерт во Апореа

Утре 26.08 во рок клубот Апореа свој настап ќе имаат четири бендови од Македонија, Белгија и Франција: „Фолтин“ (Битола), „3Д“ (Кавадарци), „Fluklabass“ (Белгија) и „Sons of the Beach“ (Франција). „Fluklabass“ се претставени како delicate HXC бенд, додека французите „Sons of the Beach“ свират artistic post rock. Настанот започнува во 21.00 часот, а влезот е бесплатен

Детски забавен парк

Пиво Фест 2008 (28-31 Август)

„Од кол на кол“ на отворено во петок

Утре, 22.08 во 21.00 часот на плоштадот во Старата чаршија кај споменикот на Итар Пејо, прилепскиот театар ќе ја изведе театарската претстава „Од кол на кол“ во режија на Коле Ангеловски. На манифестацијата која секој петок ќе се одржува тука пред споменикот на Итар Пејо, оваа недела освен изведбата на претставата ќе има и натпреварувачки дел со прераскажување на вицеви и мајтапи од прилепчани. Следниот петок на програмата е претставата „Песијазол“ во режија на Бранко Ставрев.

Вечерва настап на Дани и аудиција за Мелфест

Вечерва во комплексот на новиот базен „Амфора“ ќе настапи поп-рок пејачката Дани која што е најемитуваниот македонски изведувач на „MTV Adria“. Во паузите ќе се одржи и аудиција за нови пејачи на младинскиот музички фестивал „Мелфест 2008“. Освен во нашиот град ваквите аудиции интензивно се одвиваат низ сите градови низ Македонија како подготовка за новото издание на овој фестивал.

Графити

Колку да не паднат во заборав. Неколкуте графити што беа на ѕидовите од домот на АРМ...

Турнир во мал фудбал на македонците од Балканот

„Тапани во ноќта“ на седум фестивали

„Тапани во ноќта“, во режија на младиот битолчанец Мартин Кочовски, претстава со која прилепскиот театар успешно го почна пробивот на театарските сцени надвор од Македонија, ја очекуваат неколку изведби на врвни театарски фестивали во регионов, што се случува за првпат во историјата на куќата. Претставата, работена по не многу често поставуван текст на Бертолд Брехт, откако неодамна успешно помина на театарскиот летен фестивал „Белеф“ во Србија, ќе биде изведена и на престижниот фестивал „Експонто“ во Љубљана, како и на МЕСС во Сараево. Изведбите во Словенија, односно во БиХ се закажани за 23 септември, односно за 19 октомври. По нив следат настапи на сцените во Зеница и во Подгорица, а во план е и гостување во Албанија.

- Ова е првпат во досегашното постоење на куќата да учествуваме на престижни фестивали. Се надеваме дека овие настапи ќе бидат историски за нашиот театар - вели Стојан Дамчески, раководител на театарот. Приказната е лоцирана во 1921 Берлин, кога се случува крајот на Спартанистичкото востание против власта. Војник, оптоварен со сите специфики на поствоениот синдром по Првата светска војна, се враќа дома со надеж дека барем љубовта останала. Но, војната оставила траги и во животот на неговата сакана...
„Тапани во ноќта“ е ансамбл-претстава во која 17 актери се постојано на сцената. Во претставата гостува битолската актерка Илина Чоревска. Одѕивот за претставата од првиот настап на белградскиот фестивал „Белеф“ беше извонредни. Со „Тапани во ноќта“ прилепскиот театар планира гостување и на фестивал во Санкт Петербург, Русија.

Извори: Време, Дневник

„We are one“ multimedia festival 16.08.2008

Вечери на мајтапот пред споменикот на Итар Пејо

Секој петок талентираните прилепчани за мајтап, шега и вицеви ќе ги забавуваат сограѓаните на „Вечерта на мајтапот“, која ќе се одржува на малиот плоштад пред споменикот на мариовскиот итрец Итар Пејо. Според најавите, во овој проект на прилепскиот театар и локалната самоуправа, со натпреварувачки дух, ќе имаат право на учество сите граѓани. Жири-комисија ќе им додели соодветни награди на најдуховитите.

„Намерата е овој културен настан да стане бренд на градот, бидејќи прилепчани се познати по својата духовитост и шегите“, изјави градоначалникот Марјан Ристески. Според него, овој единствен проект од ваков вид во државава има цел да прерасне во традиционален и да привлече поголем број туристи од земјава и од странство.

Првиот настап в петок е резервиран за двајца млади актери од прилепскиот театар, Александар Тодески и Милан Секулоски. А натаму се предвидени и изведби на повеќе комедии од репертоарот на ансамблот на „Чернодрински“ и видеопрезентација на хумористичната серија „Солунски патрдии“.
Извори: Утрински Весник, Прилеп.гов.мк

Уникатни откритија и во Мариово

На локалитетот Трештена стена, во близина на мариовското село Чаниште, се откриени предмети со уникатно украсување. Тие се единствени во Македонија и и припаѓаат на костолачката и на вучидолската културна група, сметаат археолозите. Александар Миткоски, археолог и раководител на проектот, вели дека при ископувањата на локалитетот, кои завршија деновиве, се откриени вредни предмети кои говорат за духовниот живот на луѓето кои живееле на овие простори.
- Пронајдовме фрагменти од керамички садови, култна пластика, мали куќни жртвеници и слично. Заслужуваат внимание фрагментираните зооморфни и антропоморфни фигурини кои говорат за духовниот живот на луѓето кои живееле тука од средниот до доцниот енеолит. Дел од откриените предмети се украсени со посебна техника на украсување која се нарекува фурхенштихт - вели Митксоки, виш кустос во прилепскиот завод и Музеј.
Освен предметите, на локалитетот Трештена стена се откриени и пет хоризонти на живеење од бакарниот период, со објекти кои се надземни, градени во класичен тип на праисториски градби од дрвена граѓа, излепена со куќен лепеш. Првичните истражувања на Трештена стена почнаа во 2001 година. Досега е утврдено дека локалитетот датира од времето на доцниот енеолит, односно од бакарно време.

Извор: Време

Да не се заборави!

08.08.2001-08.08.2008

Сашо Китаноски, Нане Наумоски, Бранко Секулоски, Марко Деспотовски, Ердован Шабаноски, Љубе Грујоски, Дарко Вељаноски, Веби Рушитоски, Горан Миноски и Пеце Секулоски.

Почивајте во мир!

Откриен малтешки крст на локалитетот „Баба“

Уникатен рановизантиски железен крст од малтешки вид, досега непозната појава на македонските простори, е откриен при археолошките истражувања на локалитетот Баба, во близината на вештачкото езеро до Прилеп.
Прилепските археолози, по истражувањата, кои завршија деновиве, ќе продолжат со дополнителни анализи за да откријат хронолошки и културни аналогии за значењето на железниот крст, најатрактивниот наод од ископувањата на Баба.
- Крстот е со димензии 14 сантиметри височина и 11 сантиметри должина на краците. Првично го дефиниравме како рановизантиски крст од 6 век од малтешка варијанта. Крст од овој тип е непозната појава на македонските простори. Со дополнителни хронолошки и културни аналогии ќе го бараме временскиот период кога е настанат крстот и како се нашол на овие простори - вели Душко Темелкоски, археолог во прилепскиот Завод и музеј и раководител на проектот.
При ископувањата на Баба се пронајдени и други значајни наоди, како што се керамички предмети, покривна керамика, фрагментирани садови, наоди од метал - ножиња и врвови од копје, кои сведочат за животот и навиките на луѓето на овој простор.
- Се претпоставува дека локалитетот, поради неговата доминантност на теренот, во античко време бил воено-стратегиско утврдување. Досега со ископувањата откривме два типа градби: од македонски период, 2 век пред наша ера, и од рановизантиски период, односно од 6 век - објаснува археологот Темелкоски.
Иако откриен пред десетина години, на локалитетот Баба првичните ископувања почнаа пред три години. Годинава се извршени поопсежни истражувања со финансиска поддршка на Министерството за култура.
Се очекува поради големото значење на наодите археолошките истражувања на Баба да продолжат и в година.
Извор: Нова Македонија

Поетско Маркукуле во Прилеп

Поетската вечер "Поетско Маркукуле - крај камената статуа на слонот" ќе се одржи в сабота под Марковите кули во Прилеп. Ова ќе биде втора поетска вечер. Веќе е издаден зборник со 30 - тина песни на ланските учесници. Годинава се пријавени 40-тина автори.
Организатори се локалната самоуправа и квартетот "Пела", чии членови вчера ја промовира книгата со нивни песни, "Прво Б". Книгата содржи 21 песна и е издадена во Словенија со поддршка на словенечкото Министерство за култура. Препевот од словенечки на македонски е на Љубен Димкароски.
Извор: Вечер

Манастир „Св.Ѓорѓија“ с.Присад

Споменикот на Итар Пејо

Ваше мислење?

Настапи на „Пела“ и Вангел Мачковски

Утревечер, во рамките на прилепското културно лето ќе настапат Вангел Мачковски - мултиинструменталист и вокалниот квартет „Пела“ од Љубљана, Словенија. Настапот започнува во 21.00 часот на летната сцена од плоштадот „Александрија“.
Повеќе информации за квартетот „Пела“, кои досега неколкупати имаат настапувано во Прилеп, можете да прочитате на следниов линк

Продолжуваат истражувањата во манастирот Зрзе

Во манастирот Зрзе, Прилепско, продолжуваат археолошките истражувања во пештерните испосници.
Како што изјави Бранко Ристески, археолог и директор на Институтот за старословенска култура, кој го предводи истражувачкиот тим, целосно е потврдено дека монашкиот живот во пештерните испосници под манастирот датира од деветтиот век и е современик на Светоклиментовата школа во Охрид. Во моментов се утврдува обемот на локалитетот.
- Во тек е третата фаза на археолошките истражувања кои почнаа во април. Откако утврдивме со сигурност дека монашкиот живот датира од деветтиот век, сега работиме на утврдување на обемот на наоѓалиштето. Ги регистрираме предметите, ја создаваме целосната слика за монашките испосници, црквата, работилниците во кои се создавале и лиеле предметите за работа, вели Ристески.
Тој најави дека по куса пауза во август, работите ќе продолжат и во септември.

Досега Министерството за култура има издвоено еден и пол милион денари за истражувањата. Во почетокот на истражувањата во април археолозите од Прилепскиот музеј констатираа дека во пештерските отвори на бигорната карпа над која се извишува манастирот Зрзе се остатоците од некогашните монашки испосници, од пештерската црква од 12 век и од работилниците со предмети што се изработувале.
Во план е да се направи кружна туристичка патека што ќе ги поврзува испосниците под манастирот Зрзе, со реконструкција на секој видлив доказ.

Извор: Вечер

Летно кино

Преземено од: Прилеп он Блогерај