Прилепската група „Трета димензија“ го промовира спотот за песната „Ноќва остани“ , со која се претстави на годинашното издание на фестивалот „Ѕвездена ноќ“. Клипот е снимен на локацијата „Кула Б“ во Прилеп, а покрај членовите на бендот, во него се појавува и младата тапанарка Весела Димевска. Составот, што го негува поп-рок стилот, го сочинуваат младите Даниел Павловски (вокал) и Дарко Ристески (гитари), како и искусниот клавијатурист Душко Темелковски, познат во јавноста како член на групите „Бен Хур“ и „Кучешка тенија“ која настапуваше со Ристо Бомбата. Темелковски се јавува како автор на темата „Ноќва остани“, а за аранжманот се погрижи Борче Шабановски. „Трета димензија“ моментално работи на новата нумера „Исто што и ти“, повторно дело на Темелковски, во аранжман на Дарко Тасев.
Извор: Дневник
Извор: Дневник
