Промовирана монографијата „Прилепските ликовни уметници”

Градската библиотека „Борка Талески“ во Прилеп ја промовираше монографијата „Прилепските ликовни уметници”, во која се застапени 157 ликовни уметници, скулптори, фотографи и карикатуристи од Прилеп, од почетокот на 19 век до денес.

- Ова е прв обид вака обемно да се опфати ликовното творештво на прилепските уметници. Со ова се потврдува дека Прилеп е расадник на културни работници, на уметници, на творци, изјави Петар Петрески, директор на Библиотеката која ја објави монографијата.

Етнологот Александар Цветкоски истакна дека се работи за книга за прилепскиот ликовен феномен и дека книгата е мала енциклопедија за артизмот, ликовното творештво во Прилеп.

- Таа се обидува да го објасни духот на Прилеп кој има огромна творечка продукција. За тоа говорат и фактите дека голем дел од македонските, не само уметници, туку и писатели се по потекло од Прилеп, што е навистина своевиден феномен, рече Цветкоски.

Монографијата за прилепските ликовни уметници ги опфаќа и четворицата зографи од 19 век - Адамче Јанев, познат како Адамче Зограф, Јован Атанасов-Прилепчанец, Димитрија Андонов–Папрадишки и Ѓорѓи Зографски.

Ова е второ дело што го издава Градската библиотека „Борка Талески“. Првото беше посветено на прилепските писатели и насловено „Прилепското писмо”. Планирана е трилогија која догодина ќе биде комплетирана со монографија за прилепската музичка традиција.

Извор: Кирилица

Изложба на Дејан Арсовски

Вечерва, со почеток во 19 часот, во Изложбениот салон на Националната установа Центар за култура “Марко Цепенков“ - Прилеп ќе биде отворена самостојна изложба на академскиот сликар Дејан Арсовски од Куманово. Изложбата се реализира како плод на добрата соработка и размена на изложби и програми меѓу Центрите за култура од Прилеп и Куманово.

Во последните десетина години станува сé поголем бројот на млади ликовни уметници коишто својата ликовна едукација ја стекнуваат вон границите на Република Македонија. Како последица на овој тренд, со нивното враќање во Македонија, доаѓа до збогатување на македонската ликовна сцена и во квантитативна и во квалитативна смисла а стекнатите искуства стануваат богатства искуства и знаења со нас ќе ги сподели магистрантот на Националната ликовна академија во Софија, младиот ликовен уметник Дејан Арсовски, кој претставувајќи се за прв пат во едно самостојно издание преку колекција од дваесеттина слики ќе се обиде да нé внесе во својот сликарски универзум. Сликите се работени во техниката масло на платно во периодот 2002-2009 г. и повеќе од јасно укажуваат на фактот дека авторот е во фаза на јасно дефиниран ликовен израз којшто, пак, е со тенденција на перманентно себеистражување во тематска смисла и постепено надградување во ликовно - техничка реализација.

Многу уметници во своите трудови генерално завземаат две насоки, првата - обидот да се направи свој имагинарен афигурален апстрактен простор којшто ќе тргнува од интуитивните ресурси на творецот и втората - којашто тргнува од реалниот живот и животните искуства и којашто секогаш се потпира на фигурацијата сфатена како трезор на совршени облици креирани од природата. Арсовски ја преферира втората насока фокусирајќи се на човечката фигура како непресушен извор на инспирација преку кој може многу директно да се комуницира со пошироката публика. Забележителен е неговиот третман на женското тело коешто со сигурност е едно од најсовршените форми во природата, дадено во една мултидисциплинарна опсервација како облик, волумен, колорит и психичка состојба. Доминацијата на женската фигура не е присутна со идеја да предизвика некој еротски дискурс туку да ја потенцира пропорцијата и формата. Визурата е дадена од повеќе ракурси коишто на гледачот му овозможуваат чувство на непосредно присуство а со тоа и директно внесување во атмосферата којашто е битен елемент на секоја слика на Арсовски. Од друга страна, уметникот секогаш во чинот на креирањето, свесно или не, вградува дел од себеси - начинот на којшто ги гледа и доживува ликовите што ги продуцира, сликајќи се и самиот во нив. Човечките фигури на овој млад уметник не се разубавени, тоа се фигури и фаци што ги среќаваме во секојдневниот живот со сите мани и убавини коишто тие ги поседуваат, со сите добри и лоши расположенија што ги носи животот, а кои делумно можеме да ги прочитаме од нивните лица. За поедноставна комуникација, авторот на некои слики става и одредени атрибути (волан, буре, бр.37, знамиња и др.) коишто треба заедно со насловот да ја откријат идејата и да му дадат насоки на конзументот. Композицијата и цртежот се академски избалансирани, со одличен контраст на релација фигура-позадина, а во дел од нив потенцирана е перспективата (Пред малата врата), надреалната поставеност (Мечта на морнарите, Вљубени) како и ангажираниот пристап преку отварање на актуелни прашања ( Непослушниот, Мајка со деца, Симпатична млада левичарка...). Боите се чисти и благо нијансирани од посветли кон потемни кога треба да се стават во функција на доловување на волуменот. Иако на моменти во концептот на оваа ликовна продукција наоѓаме допири со стрипот и плакатот, сепак, можеме да констатираме еден формиран ликовен код којшто Дејан Арсовски секогаш ќе го прави препознатлив. Во таа смисла и првото негово претставување ќе биде забележано од ликовната публика и критика како зачекорување на едно ново име на македонската ликовна сцена кое човечката фигура ја става во центарот на своите ликовни истражувања.

Извор: Culture.in.mk

Британска колекција од Музејот за современа уметност во Прилеп

Изложба на слики од британски уметници е отворена во Центарот за култура „Марко Цепенков“ во Прилеп. Изложени се дела од Дејвид Хокни, Денис Бовен, Хауард Хокин, Бриџит Рајли, Питер Филипс и други, кои се дел од Британската колекција на Музејот на современата уметност во Скопје.

Ќе бидат претставени 30-ина дела работени во класични медиуми - сликарство, цртеж и графика. Изложбата ја организираат Дирекцијата за култура и уметност на Скопје, Министерството за култура и МСУ во рамките на проектот „Кич, да!? Сте или не?“ Целта на проектот е да се презентира и промовира ликовната уметност и да се доближат до публиката не само врвните имиња од македонската туку и од светската ликовна уметност.

Британската колекција во МСУ има особено значење бидејќи е збирка чија висока вредност дава квалитетна карактеристика на вкупната колекција на Музејот. Создавањето на оваа збирка почнало во 1964 година благодарение на британските уметници Денис Бовен и Кенет Куц. Денес во колекцијата има 132 дела од 81 автор.

Извор: Дневник

Римски убавици ископани на Стибера

Две мермерни женски глави високи 31 сантиметар, а широки 23 сантиметри, кои датираат од четвртиот век, се пронајдени деновиве за време на археолошките истражувања на наоѓалиштето Стибера, Прилепско. Лилјана Кепеска, археологот што работи на локалитетот, вели дека откритието е доказ дека на Стибера имало живот во 4 век, што ги урива досегашните претпоставки во научниот свет според кои животот на овој античкиот град замрел во 3 век пред нашата ера. - Двете мермерни глави ги откривме во еден одводен канал. Се работи за претстави на млади жени од доброситуирани семејства. Ова, пак, е потврда дека Стибера бил град со богати економски можности, во кој жените имале значајно место - вели Кепеска, додавајќи дека локалитетот имал големо значење во македонско-хелинистичкиот и во римскиот период.
Покрај мермерните глави, археолозите откриле и епиграфски споменици, садови од керамика, како и делови од нов објект, чијашто функција се уште не може да се препознае. При годинашните ископувања на Стибера е откриен и монументален објект со полукружна апсида од римскиот период. Археолозите велат дека објектот служел за одржување обреди во чест на императорот. Во негова близина се откриени и четири фрагменти од мермерни плочи со натписи (епиграфи), кои, пак, го потврдуваат постоењето и значењето на Стибера во рамките на Римското Царство.

Извор: Време

Ранохристијанска базилика откриена во Зрзе

Ранохристијанска базилика е откриена при археолошките истражувања во манастирскиот комплекс во Зрзе. Базиликата, велат археолозите, има две етапи на живот: првата од 5 и од 6 век, а втората од 9 до 15 век. Таа е откриена на стотина метри северно од манастирот.
- Во базиликата се откриени камени пластики и натпис од петтиот век, кој дополнително ќе се испитува. Најдени се и гробници од петтиот и од шестиот век, како и од 9 до 15 век, во кои има повеќе движни наоди - вели археологот Бранислав Ристески, раководител на истражувања во локалитетот Зрзе.
Според него, овие податоци говорат дека монашката населба откриена со ланските истражувања има ранохристијански корени.
- Новите факти докажуваат дека почетоците на христијанството на овие простори се многу постари. Се потврдува дека Зрзе како локалитет има универзални вредности од аспект на историјата на религијата и на културата во пошироки рамки - вели Ристески.
Годинава беа откриени и нови испосници и уште една монашка црква, која датира од 9 до 15 век, со што е заокружен целиот монашки комплекс.
Освен базиликата, досега се најдени околу 50 монашки ќелии, црква со значаен натпис и други движни наоди, кои се значајни од археолошки, историски и од културен аспект.
Зрзе, по овие истражувања, во иднина треба да стане главна туристичка дестинација на македонскиот манастирски туризам.

Извор: Шпиц

Целодневна журка на базен

Прилепско културно лето, програма за месец Август

Крпен Живот, предпремиерно во Витолиште

Пред жителите на Мариово и голем број прилепчани, ансамблот на Прилепскиот театар прексиноќа во автентичниот амбиент меѓу селските куќи во Витолиште преку претставата „Крпен живот“ ја раскажа приказната за животот минат во овие сега веќе раселени краишта.
- Ова не е само претстава туку реконструкција на еден живот. Обид е да се оживее едно време, а публиката го препознаваше живеењето раскажано во претставата. Со метафорите и асоцијациите од претставата, се надевам ќе прозвучи актуелно, ќе открие некои нови состојби кои ни се случуваат и денес во нашиот крпен живот што го живееме во 21 век, изјави Блаже Миневски, кој ја направи адаптацијата на делото на Стале Попов, авторот роден токму во тие краишта.

Режисерот Владо Цветановски, кој со екипата помина добар дел од пробите во Мариово, смета дека се е симболика и со значење.
- Жителите на Витолиште беа дел од публиката. Претставата речиси како да се одигруваше во нивните домови. Реагираа природно. Целиот ансамбл влезе несебично во создавањето на претставата токму овде, во Мариово. Младите актери немаа дојдено во Мариово досега. Сега на поинаков начин го открија и го засакаа. Месечината ни беше инспициент, а небото и дел од паднатите мариовски куќи ни беа сценографски елементи. А се случи и необично нешто. На генералната проба додека попот во претставата велеше дека црквата се распаѓа, падна и дел од покривот на селската куќа, вели Цветановски.

Сите ние, додава режисерот, треба да најдеме начин оваа земја да ја издигнеме, да се обидеме да го вратиме она што нашите предци ни го порачуваат преку „Крпен живот“: дека најважно од се е да имаш гајрет, да можеш да се насмееш, да се пошегуваш, инаку, како ќе живееле тие луѓе на овие простори, во ова сурова природа.

Претставата „Крпен живот“ премиерно ќе биде изведена на 3 август на Охридско лето.

Извор: Вечер

На прилепско лето се изработуваат портрети на Филип II и на Конески

Меѓународната сликарско-скулпторска манифестација „Прилепско уметничко лето“ е во тек. Дваесетина уметници од повеќе држави творат на различни локации од градот во неколку сликарски техники, мермер, метал и дрво. Меѓу делата што ги работат се портретите на Филип Втори и на Блаже Конески. Автор на портретот на Филип Втори е професорот Зоран Иванов од Белград, а на Блаже Конески - скулпторот и професор Симеон Арнаудов.

„Ќе се обидеме во август портретите излеани во гипс да бидат во бронза или изделкани во камен. Се' зависи од тоа дали ќе добиеме пари“, вели Диме Јанески, секретар на Центарот за современа ликовна уметност, организатор на „Уметничко лето“, која е меѓу најстарите манифестации на Балканот со 52. сликарска колонија.

Покрај од Македонија, годинава ќе има гости од Русија, Србија, Италија и Турција. Прв пат годинава беше организирано фотосафари и петмина фотографи направија уметност од глетките што ги понудија манастирите, околината, луѓето.

„Прилепско уметничко лето“ располага со над 1.500 дела на уметниците, учесници од земјава и странство.
Извор: Утрински Весник

Изложба на Тони Чатлески

Портрети, фигури, пејзажи - тоа се дел од мотивите на сликите на Тони Чатлески, кои ќе бидат претставени на неговата самостојна изложба, која беше отворена во петокот, во 20 часот, во центарот за култура „Марко Цепенков“ во Прилеп.

Чатлески изложува 23 слики, работени во масло на платно, кои се создадени од 1993 до 2008 година. Ова е негово трето претставување пред прилепчани.

- Има поетика во моето сликарство. Иако меланхолично, сепак е реално. Сликите го отсликуваат времето во кое сум ги создавал. Во нив се гледа и социјалниот аспект на живеењето - вели Чатлески.

Писателот Трајче Крстески вели дека во ликовниот израз на Чатлески портретот е - крик, а пејзажот е чиста противречност на портретот.

Извор: Нова Македонија

Филмски проекции во Центарот за Култура

Во Центарот за Култура „Марко Цепенков“ започнаа летни филмски проекции како дел од проектот Прилепско културно лето 2009. Сите филмови се прикажуваат на „Сцена 105“ со почеток од 21.00 часот. Влезот е слободен.
Еве го распоредот за филмовите кои преостанаа за прикажување:

23.07 - The Fisher King
24.07 - The Man Who Felt On Earth
27.07 - Cabaret
28.07 - Zabriskie Point
29.07 - Hunger
30.07 - Frida
31.07 - The Last Waltz

Монодрама на Бобан Алексоски

Во рамките на културното лето во Прилеп,кое го организира Локалната самоуправа во недела на 26 ти јули со почеток во 21:00 часот на летната сцена од Могилата на непобедените младиот талентиран актер Бобан Алексоски ќе ја изведе монодрамата „Лоши спомени“.
Монодрамата „Лоши спомени“ всушност е селекција т.е избор на сцени од монодрамата „Детски работи“ на Рејмон Кус.
Излитено и лошо минато на еден млад човек, каде што и убавите спомени се претвориле во лоши е главната тема во монодрамата, тука е и вечното прашање за тоа каде одиме после смртта?
Бобан Алексоски е млад актер кој игра во Народниот театар „Војдан Чернодрински“-Прилеп од својата девет годишна возраст. Сега е гимназијалец во прилепската гимназија, но вели дека продолжува на Факултетот за драмски уметности во Скопје.
„Театарот е мојата желба и страст која целосно се исполнува, театарот ми е во срцето,а сцената ми е во душата“-вели Бобан.

Започна Пиво Фест 2009

Повеќе слики и апдејти за годинешниов Пиво фест на:

www.pivofest.info

Почнува Прилепското културно лето

Со „Вечер на оперска музика“, вечер почнува „Прилепското културно лето“. Публиката ќе има можност да го проследи настапот на сопранот Ирена Крстеска, баритонот Кристијан Антовски во пијано придружба на Андреј Наунов. Триото ќе изведе дела од Моцарт, Чајковски, Рахнањинов и арии од Верди.
Традиционалната културна манифестација „Прилепско културно лето”, што ја организира Центарот за култура „Марко Цепенков“, до крајот на август ќе понуди богата и разновидна програма и 30-ина настани - театарски претстави, изложби, концерти со староградска и класична музика, перформанси и циклус-филмови.
Меѓу нив се и настапите на бендот „Џозефин Суспендерс“, хорот од Летонија „Џиедонис“, како и концертите на етногрупата „Баклава“ и на популарната група „Паркети“. Ќе гостуваат театрите од Штип и од Куманово, а ќе се претстават и Прилепскиот театар и Младинското драмско студио при Домот на културата „Марко Цепенков”.
Планирани се и повеќе изложби, меѓу кои е и изложбата на дела создадени на годинашната ликовна колонија „Дрен“.
- Ќе се користат сите расположиви сцени во градот. Покрај двете во Домот на културата „Марко Цепенков“, на располагање се и отворените сцени на плоштадите „Александрија“ и „Методија Андонов Ченто“, изјави Тони Чатлески, директор на Центарот за култура „Марко Цепенков“, организатор на културното лето.
Во автентичен амбјент во мариовското село Витолиште, во рамките на прилепското лето, претпремиерно ќе биде изведена претставата „Крпен живот“, што според текст на Стале Попов и драматизација на Блаже Миневски ја режира Владо Цветановск. Со неа на 3 август Прилепскиот тетар ќе настапи на „Охридско лето“.
Прилепското културно лето годинава финансиски е поддржано од Минисетрството за култура.
Извор: МИА

Не сум алергична на сценската прашина

Марија Спиркоска-Илијеска, родена 17.11.1983 во Прилеп; на ФДУ се запишав 2003 година во класата на проф. Владо Цветановски и Мими Таневска, а дипломирав во 2007. Истата година станувам дел од ансамблот на прилепскиот театар

За театарот...
Свето место кое го носам во срцето и во него ја имам вѕидано мојата душа.

За актерството...
Најдоброто училиште за спознавање на сопствената личност и различните способности, но често и откривање на сопствените недостатоци.

За сценската прашина...
Единствена прашина што ја дишам секојдневно, а на која не сум алергична.

За потребата од сцената...
Ја имам секојдневно, без разлика дали ќе пронајдам клуч кој би ми отворил нова врата во животот, различна од таа во која сум била претходниот ден.

За колегите ...
Компактност, искреност и одговрност се основните фактори кои не искачуваат на врвот.

За животот...
Уживам во секоја секунда од мојот живот затоа што ми е подарок од мајки ми и татко ми, а на подарокот секогаш му се радуваме.

За сонот...
Моќно оружје ако ги употребуваме сопствените потенцијали.

За неодиграните улоги...
Во моментов ги има многу, но се надевам дека ќе дојде ден кога ќе можам да ги избројам на прстите ама само од едната рака.

За идејата...
Во мојата глава многубројни и откачени, и патот кој го минувам од момент на првична идеја до ризичен потфат за нејзино остварување секогаш е краток, но, за среќа, успешен и делотворен.

За среќата...
Ја хранам секојдневно со позитивна енергија и константна насмевка на моето лице за да расте и да се зголемува.

За тагата...
Јас сум човек што сака да напредува во животот и затоа тоа деструктивно чувство кое се појавува инкогнито, се трудам колку што можам побрзо да го прелетам.

За играта...
Извор на креативна енергија.

За семејството...
Ѕвезда водилка за моите досегашни успеси.

Извор: Вечер

String Forces во Апореа 10.07.2009

Пиво Фест 2009 (16-19 Јули)

Уметници на креативни средби во Прилеп

Околу дваесет уметници ќе учествуваат на уметничкото лето во Прилеп. Сликарски дела веќе создаваат Анета Сотироска и Марта Макеска. Двете се учесници на ликовната манифестација Прилепско уметничко лето, која традиционално ја организира Центарот за современа ликовна уметност. Во рамките на манифестацијата се одржува 52. сликарска колонијата, 46. издание на меѓународниот скулпторски симпозиум за мермер, интернационалното студио за пластика во дрво, 37. по ред. и интернационално ателје за скулптура во метал, кое се одржува 26. пат.

На уметничките собири ќе творат уметници од земјава и од странство. Најмногубројни ќе бидат сликарите, меѓу кои и Наталија Баженова и Ана Александровна од Русија, Бојан Маневски, Драгиша Шипе, Кристина Божурска од кај нас. Скулпторски креации ќе му остават на градот уметниците од Србија - Александра Плавшиќ, Мирјана Дружетиќ, Зоран Ивановиќ, Јулијана Протиќ и нашите Симеон Арнаудов и Софија Грабулоска.

- Уметничката колонија ги обединува ликовните творци од речиси целиот свет - вели Диме Јанески, секретар во Центарот за современа ликовна уметност.Центарот за современа ликовна уметност има складирано повеќе од илјада творби од многугодишните уметнички лета во Прилеп. Дел од скулптурите го краси Прилеп.

Извор: Дневник

Тајане Бојане на Могила

Streetball '09

Откриен апсидален објект на Стибера

На античкиот локалитет Стибера, во близина на Прилеп, при истражувањата е откриен нов импозантен објект со апсидална форма и епиграфски споменик. Тие фрлаат нова светлина за животот во античкиот град.

- Новата градба е во продолжение на објектот со култна намена, кој лани беше откриен. Претпоставуваме дека објектот не бил посветен само на култот на императорот, туку и на некои од божествата што биле заштитници на градот. Ова се првични претпоставки. Очекуваме до крајот на ископувањата да се добие појасна слика за што служела градбата - вели археологот Лилјана Кепеска, раководител на проектот.Епиграфски споменик „табула ансата“ што е откриен е со натпис во повеќе редови.

- Споменикот треба да се прочита. Со читањето ќе добиеме одговори на повеќе прашања - додава Кепеска.Со ископувањата се појавил нов културен слој, кој, според надлежните, давал индиции дека во античка Стибера имало градба и во 4 век.Стибера како град бил формиран во четврти - трети век пред наша ера.Опстојувал до трети век. Во досегашните истражувања откриени се повеќе мермерни скулптури, статуетки и друг движен материјал.
Извор: Дневник

Елена Петреска со нов сингл

Елена Петреска летово ќе биде актуелна со новиот сингл "Остави ме". Станува збор за брза ретро песна. Автори на нумерата се Јован Јованов и Елвир Мекиќ, а снимена е во студиото Јованови. За песната Елена има и нова фотосесија работена со Бранко Андреев. Мецосопранката, која е вработена во Македонската опера и балет, направи мала пауза од поп сцената, а со новата песна за која вели дека е полн погодок, повторно се враќа меѓу своите фанови. Атрактивната прилепчанка наскоро ќе направи и видеозапис за песната.
Извор: Вечер

Прилеп да има езеро, по можност Охридското!

ВО ПРВО ЛИЦЕ: ДИМИТАР ЃОРЃИЕВСКИ, АКТЕР
Дипломиран актер кај гуру В.Ц. и М.Т. моментално борец во слободен стил, да не речам слободен уметник, оти во последно време уметник може и погрешно да се сфати. Во подзнак ПАНКЕР...

За сценската прашина... Одговорно тврдам дека многу подобро е да се движиш низ сценска прашина отколку низ сценски измет. Ова второво смрди за разлика од прашината која изгледа како stardust* под рефлектор.

За убавото... За бесконечни прегратки, насмевки, бакнежи... за една руса коса низ прстиве, за мама, тато и бато, за сите домашни и диви животни, за сите добронамерници кои викаат добар ден и навистина веруваат во добрината на денот...

За грдото... Море... за убавото

За сонот... Сонувам еден ден да ги видам Боб Дилан, Том Веитс, Дарко Рундек, Данил Хармс, Винсент Ван Гог, Џек Лондон, Марко Крале, Муарем Сербезовски, Брус Ли и Силвестер Сталоне, на иста маса во меана како пеат македонска народна песна, а Хитлер (џгољавото келнерче со смешни мустаќиња) ги служи со пиво... А!... и Прилеп да има езеро, по можност Охридското.

За јавето... На тешко да издржиме, на лесно секој може...

За љубовта... Или за Бога... нека е клише, ама силно верувам во бесконечната љубов на поредокот на нештата, во мајката Природа (или таткото Природ), која случајно или не, во разните религии може да се сретне под името Јехова, Алах, Господ, Зевс, Буда итн.

За колегите... Актер (погенерално уметник) не е професија, тоа е националност, па така колегите повеќе ги сметам за сограѓани на една држава која за жал, се уште се труди да го измисли својот јазик и писмо...

За речта... За бескрајната низа на убави нешта кои можеме да си ги кажеме едни на други. А и не мора, доволно е да си се насмевнеме.

За недореченоста... "Ако имаш нешто недоречено,
Нешто што те притиска и пече,
Закопај го во длабока тишина,
Тишината сама ќе го рече..."

За неодиграните улоги... За Хамлет

За пријателите и душманите... Сите ќе умреме

За детето во мене... Тоа е движечката сила што ме тера да правам работи кои на сите останати (па дури и на старецот во мене) им се чинат глупави, а подоцна излегува дека биле крајно мудри и полезни решенија. На пример, мојата одлука да станам професионален фудбалер и да играм во Јувентус...

За крај... Јазикот коски крши...Тешко кој го нема...

Извор: Вечер

Ликовна колонија во конаците на Дрен

Три­на­е­сет уметници од земјава и од Србија, од вчера до 29 јуни, ин­спи­ри­ра­ни од природните убавини во околината на прилепското село Дрен, ќе тво­рат во конаците на манастирскиот комплекс "Св. Илија ", во рамките на Ли­ков­на­та колонија која ја организира Центарот за култура "Марко Це­пен­ков" .
Ол­ги­ца Антоска, Владимир Кнежевиќ, Сергеј Дамовски, Анета Петреска, Ма­ри­ја Стојановска и Мита Ристиќ се дел од уметниците што ќе учес­тву­ва­ат на втората ликовна колонија "Дрен 2008". "По ланскиот успех, кога 13 умет­ни­ци создадоа 28 дела кои ги виде не само прилепската туку и кул­тур­на­та јавност во повеќе македонски градови, и Министерството за кул­ту­ра финансиски застана зад Колонијата, која годинава има ин­тер­на­ци­о­на­лен карактер", вели директорот на Центарот Тони Чатлески.
Извор: Вест

„Femfest Macedonia“ во Прилеп

Од 29 јуни до 5 јули за првпат кај нас ќе се одржи „Femfest“, фестивал чија програма ќе понуди настани од различен вид, се‘ со цел да се укаже на дискриминацијата и насилството врз жените во патријархалното и сексистичко општество

Отворањето на фестивалот ќе се случи во Скопје, на 29 јуни во 19 часот, пред продавницата за плочи „Максимум рокенрол“, со концерт на „Graham Young“ (Македонија) и „My name is Ann“ (Чешка). Чешкиот состав ќе настапи наредниот ден во Прилеп, во клубот „Апореа“. На 1 јули, со почеток во 17 часот, во Сојузот на синдикатите на Македонија во Прилеп ќе се одржи семинар на тема: „Дискриминацијата на жените на пазарот за вработување“. Во 21 часот следува настап на „Bernays Propaganda“.
На 2 јули ќе биде одржан арт работилница (13 - 15 часот), потоа следува видео перформанс и семинар на тема „Семејно насилство - што е?“. Во 21 часот е настапот на „Fighting Windmills“.
На 3 јули ќе биде одржан вториот дел од арт работилницата, потоа видео перформанс и семинар „Disciplining of female body“, во организација на Акција Здруженска од Скопје. По овој семинар следува концерт на „Lira Vega“ (Србија) и „Djane Jasmina“ (БиХ).
Последниот ден од фестивалот е резервиран за филмска проекција и дебата со Ениса Еминовска и настап на „Ž/buka“ (Хрватска) и „Djane Vera Umca & Pit the Sample“ (Македонија).
Извор: Форум

Колку претстави изгледавте на Македонскиот Театарски Фестивал?

Можете да гласате за една од понудените опции од десната страна на блогов.
Во коментари можете да го кажете Вашето мислење за целокупната манифестација.
+ за „Тапани во ноќта“
+ за посетеноста и исполнетоста на салите
+ за дружењето и свирките во бифето
- за аплаудирањето на сред и помеѓу чинови на неколку претстави
- за застарените театарски сцени

Конечни резултати:

• Ниту една (8)
• 1-3 (7)
• 4-6 (3)
• 7+ (3)

Мариовско-мегленски средби 2009

„Тапани во ноќта“ најдобра претстава на МТФ

Претставата „Тапани во ноќта“ од Брехт, во режија на Мартин Кочовски, во изведба на ансамблот на прилепскиот театар, ја доби наградата за најдобра претстава на 44. издание на театарскиот фестивал „Војдан Чернодрински“. Награда за режија, пак, отиде во рацете на режисерот Мартин Кочовски. Марија Спиркоска ја доби наградата за најдобра споредна женска улога за истата претстава. Ова е одлуката на комисијата во состав: Митко Маџунков, Ванчо Петрушевски и Зијадин Муртезовски. Маџунков објасни дека некои сцени во претставата „Тапани во ноќта“, како пеењето на Интернационалата, се незаборавни антологиски сцени достојни за најголемите театри.Кочоски по претставата рече дека актерите во претставата се надминаа себеси.

- По многубројните награди што ги освоивме на сараевски МЕСС, стигна и домашно признание. На последниот фестивалски настап актерите одиграа над очекуваното. Чувствувам огромна радост, среќа и возбуда. Иако главно сите се млади, тврдам дека се вистински професионалци, кои од претстава во претстава растат и се подобри. Впрочем, тоа го потврди реакцијата на публиката - рече Кочовски. Гостинката од Битола во прилепската претства, Ирина Чоревска, немаше зборови да ја искаже радоста од реакциите на пубиката.

- Силно е чувството кога публиката ве враќа толку многу пати на бис. Претставата вреди за толку многу аплаузи. Со „Тапаните...“ доживеавме големи успеси и надвор од земјава, а сега многу ми е мило што тоа го потврдивме уште еднаш на матичната сцена - вели Чоревска.Наградата за главна женска улога ја доби Билјана Беличанец-Алексиќ за улогата на Кинегонда во претставата „Кинегонда во Карлаленд“ во изведба на Драмскиот театар од Скопје. Награден за машка улога е Елијаса Касо за улога во „Сијах Калем“ во изведба на Турскиот театар.

Жирото наградата за најквалитетен текст му ја додели на Венко Андоновски за „Кинегонда во Карлаленд“. Актерот Филип Мирчевски е добитник на наградата за млад актер „Трајко Чоревски“, за играта во претставата „Црна се чума зададе“ на битолскиот театар, како и наградите за кореографија и сценски движења и за музичката улустрација (Марјан Неќак). За костимите е награден Тихомир Спировски за „Кинегонда од Карлаленд“.Тој ја однесе и наградата за сценографија. Најквалитетен рекламен материјал имаше за претствата „Последниот ден на Мисирков“ на струмичкиот театар. Фестивалската завеса се спушти по синоќешната изведбата на претставата „Тестостерон“ на битолскиот театар.
Извор: Дневник

Вечерва се отвора МТФ „Војдан Чернодрински“

Најдоброто од македонската продукција во последната театарска сезона од вечерва до 11 јуни ќе се распостеле на неколкуте сцени во Прилеп, под закрилата на фестивалот „Војдан Чернодрински“. Осумнаесет претстави на национални и приватни театри и групи ќе може да види прилепската публика на 44-та средба на театарските уметници. Фестивалската завеса ќе ја крене претставата „Свето срце“ на Љубиша Георгиевски, на Македонскиот народен театар од Скопје, што ќе биде изведена во 20 часот во Центарот за култура „Марко Цепенков“. Улогите ги толкуваат Искра Ветерова, Ѓорѓи Јолевски, Сенко Велинов, Никола Ристановски, Јовица Михајловски, Ѕвездана Ангеловска, Бранко Ѓорчев, Сашко Коцев, Александра Пешевска и други. Пред претставата, ќе им бидат врачени наградите за животно дело на актерите Димитар Костовски од МНТ и Љубица Гојковиќ од кумановскиот театар.

На полноќ, во рамките на придружната програма ќе биде изведена „Таму каде што не сум бил“ во режија на Зоја Бузалковска, која прилепскиот театар, ќе ја изведе на матичната сцена. Ќе настапат Димитар Ѓорѓиевски, Зоран Иваноски, Наташа Наумоска, Јасмина Мицовска-Станкоска, Александар Степанулески и други.

За наградите на фестивалот ќе одлучува тричленото жири, што ќе го предводи академик Митко Маџунков, а членови се актерите од Драмски театар и од Албански - Ванчо Петрушевски и Зијадин Муртези. За наградите на Фестивалот ќе бидат земени предвид „Кинегонда во Карлаленд“ на Драмски, „Тероризам“ на велешкиот, „Албански ноќи“ на Албанскиот театар од Скопје, турската „Сијах Калем“, „Тетовирани души“ од Куманово, „Црна се чума зададе“ на Народниот театар од Битола, „Глоговиот џбун“ на штипскиот, „Последниот ден на Мисирков“ на струмичкиот и „Тапани во ноќта“ на прилепскиот театар. Во придружната програма се најдоа повеќе приватни театри и групи.

За награди нема да се натпреваруваат - „Црна птица“ на Буден театар од Скопје, „Дивите пајки“ на Центарот за култура од Куманово, „Лет во три глави“ на МНТ. Во дворот на црквата „Свети Никола“ во населбата Варош во Прилеп ќе се игра „Чернодрински експрес“ - копродукција на „Скрб и утеха“ и на велешкиот театар. Студентите по актерска игра на втора година во класата на Владо Цветановски и Мими Таневска од Факултетот за драмски уметности од Скопје ќе ја изведат испитната претстава „Вака, вака и вака“.Три трибини ќе бидат посветени на проблемите што го тиштат македонскиот театар. „Авангардата во театарот во Македонија“, „Театарот во служба на драмската уметност или на естрадата“ и „Литературниот јазик и театарот“.По претставите ќе бидат организирани настапи на македонските музички групи - „Фолтин“, „Баклава“ и други.
Извор: Дневник

Целосната програма на фестивалот

Прилеп домаќин на конференција на карневалските градови од Европа

Во многу силна конкуренција Прилеп успеа да се избори да биде домаќин на 32. конференција на карневалските градови од Европа во 2012 година. Од општината велат дека организацијата на конференцијата на карневалските градови е голема чест за Прилеп и воопшто за Република Македонија бидејќи на овој начин ќе се презентира културниот туризам на државата и на градот.

- Добивањето на организацијата на овој голем настан е чест за градот, но и обврска. Треба добро да се организираме, да го подигнеме нивото на инфраструктурата на градот, да обезбедиме сместување и да понудиме добри туристички понуди преку кои гостите од триесетина земји што се членки на Карневалската асоцијација, ќе се запознаат со убавините што ги имаме како држава - вели Марјан Ристески, градоначалник на Прилеп.

Меѓународната карневалска асоцијација постои од 1980 година. Во себе обединува над стотина карневалски града од триесетина земји, кои организираат традиционални карневалски манифестации.
Извор: Нова Македонија

Цветановски ја подготвува „Крпен живот“

Во прилепскиот театар почнаа подготовките за новата театарска претстава, „Крпен живот“, што се работи по текстот на Стале Попов. Драматизација на текстот за претставата е на Блаже Миневски, а режијата е на Владо Цветановски. Во претставата игра поголемиот дел од ансамблот на театарот. Музиката ја работи Оливер Јосифоски, костимите се на Благој Мицевски, а премиерата се планира за Фестивалот „Охридско лето“. „Крпен живот“ ќе биде трета претстава што театарот ќе ја работи во согласност со годишната програма поддржана од Министерството за култура на Република Македонија. Претходно беа прикажани „Таму каде што не сум бил“ во режија на Зоја Бузалковска и „Јане Задрогаз“ во режија на Коле Ангеловски. На претстојниот 44. Македонски театарски фестивал „Војдан Чернодрински“, кој почнува на 5 јуни, прилепскиот театар ќе учествува со две претстави. Во официјална конкуренција ќе настапи со претставата „Тапани во ноќта“ од Брехт, во режија на Мартин Кочовски и во придружната програма со „Таму каде што не сум бил“ од Жанина Мирчевска, во режија на Зоја Бузалковска.

Извор: Време

Златко Крстевски на фестивал во Макарска

На четвртиот МАФЕСТ - меѓународен Стрип фестивал во Макарска - Хрватска, кој се одржа деновиве, покрај учеството на познати стрип автори: -Галијено Фери од Италија - цртачот на „Загор“, Боро Павловиќ, Роберто Дисо, Гиги Симеони, Роберто Ди Ангелис, Антонио Сера, Дарко Мацан, автори кои работеле на популарните стрипови „Дилан Дог“, „Натан Невер“, „Мистер Но“, свое
учество и презентација имаше и Македонскиот стрип автор Златко Крстевски. Тој ја претставуваше сцената на новиот македонски стрип, изданието на Центарот за Визуелна уметност „ВИЗАНТ“ - ,,BEYOND BORDERS“.
-Како автор сум многу задоволен. Макарска конечно влегува во топ листата на првите пет топ-стрип Фестивали во светот. Имаше над 1500 гости, многу посетители кои дојдоа специјално да купат стрип албуми цртани од стрип мајсторот Фери, кого го паметиме по бравурозните стрип цртанки на „Загор“, а посебно би ја издвоил работилницата на Есад Рибиц, Судзука и Тицо, како и хуманитарната аукција, големо разбирање и присутност и на градоначалникот на Макарска Марко Ожиќ-Бебек.
Извор: Culture.in.mk

Мото-тура Мариово 2009

05.06.2009:
10-12 Пристигнување и пријавување на учесниците на плоштадот „Александрија“ во Прилеп
12.00 Свечено отварање на мото турата
12.30 Брифинг околу возењето и оформување на колоната
13.00 Старт на турата- Прилеп-Мариово
14-15 Пристигнување во кампот, подигање и сместување
16.00 Забавна програма: (Пиворидарење, турнир во мал фудбал-државни екипи, кратки утакмици)
21.00 Прогласување на победниците (поделба на признанија и награди)

06.06.2009:
Будење и утринско кафе
10.00 Организирана тура низ Мариовскиот предел со посета на попатни места со туринг водич (посета на с.Витолиште, с.Манастир, с.Крушевица, с.Чаниште – организиран ручек за учесниците на Мото турата, Расимбегов мост – освежување)
16.00 Враќање во кампот
18.00 Мото игри (гимпкана, bite the weenie, push the barrel...)
20.00 Прогласување на победниците на Мото игрите (поделба на награди)
21.00 Забавно-културна програма

07.06.2009:
Будење со утринско кафе, расформирање на кампот, средување на околината од аспект на еколошка чистота
11.00 Тура: Мариово – Прилеп (Дом на Култура Марко Цепенков – голема сала)
12.00 Свечено затворање на Мото Турата

Ревија на модното студио „Менхетен“

Денови на Крале Марко

Ќе продолжат истражувањата на локалитетот Стибера

Прилепските археолози годинава ќего истражуваат центарот на античкиот град Стибера. Со стручната екипа од Заводот за заштита на спомениците и музеј од Прилеп ќе раководат археолозите Лилјана и Костадин Кепески. Тие ќе работат речиси три месеци.
- Ќе ископуваме во централниот дел, западно од Хероонот и ќе го доотвориме објектот со култна намена што го откривме лани - вели Кепеска.Археолозите лани открија значајни скулптури на Стибера, меѓу кои три мермерни глави, скулптура на божицата Ника, портретот на младо момче Ефеб и помала скулптура од млада жена, без глава и нозе.

На локалитетот досега се откриени 28 споменици со натписи и 27 статуи. Истражувањата почнале во 1924 година, а со нив раководел српскиот археолог Никола Вулиќ. Античкиот град Стибера бил формиран во 4 век пред новата ера и доживеал процут во 2 век.
Истражувањата на античкиот град се дел од капиталните проекти на Владата. За годинашните истражувања се издвоени околу три милиони денари.
Извор: Дневник

Гостување на прилепскиот театар во Бугарија

Со претставата „Светилникот“ од Димитар Талев во режија на Владо Цветановски, прилепскиот Театар од 16 до 18 мај ќе учествува на фестивалот „Друмски театарски празници - нова бугарска драма” што ќе се одржи во Шумен, Република Бугарија.
Фестувалот во Шумен се одржува по 18-ти пат и има меѓународен карактер, со цел да го стимулира создавањето претстави по драмски текстови на бугарски автори. Учествуваат 13 театри од три земји. Прилепскиот театар ќе настапи на завршницата на фестивалот на 17 мај.
Ова е второ гостување на театарот надвор од земјава годинава, по неодамнешното претставување на „Тапани во ноќта” во Хрватска.

Извор: МИА

„Јане Задрогаз“ се враќа во Прилеп

По успехот на претставата „Од кол на кол“, режисерот Коле Ангеловски на сцената на прилепскиот театар го поставува текстот „Јане Задрогаз“ од Горан Стефановски. Премиерата ќе биде прикажана во четврток. Ангеловски посочува повеќе причини зошто се одлучил текстот на Горан Стефановски, по 30 години од неговото поставување во Драмскиот театар, повторно да го актуализира на сцената на прилепскиот.

- Текстот спаѓа во класиката на македонскиот театар и е еден од најубавите текстови во нашата драматургија. Составен е од приказни, поговорки, на кои Горан го инспирирало творештвото на Цепенков. Текстот сè уште е многу актуелен. И најважно и најзначајно е што прилепскиот ансамбл сега има таков состав и актерски потенцијал, што оваа претстава е измислена за неговата сцена - објаснува режисерот Коле Ангеловски.
„Јане Задрогаз“ ќе биде гледлива претстава, најавува режисерот.
- Не и е одреден жанрот, зашто во суштина тоа е бајка, приказна за еден народ, за лоша царица и змеј, кој му прави пакост на народот, за трите царски сина и за Јане, кој ќе го спаси народот. Сето тоа ќе биде поставено во една алегориска форма. Се менуваат многу емоции, многу слоеви. Оди од трагедија до многу смешни ситуации. „Јане Задрогаз“ ќе биде гледлива претстава, во која публиката ќе се препознае себеси и ќе ужива додека ја гледа - вели Ангеловски..
Костимограф е Зорица Тодороска, музиката ја напиша Оливер Јосифоски, а кореографијата е на Кренаре Невзати-Кери.

Ангеловски досега во прилепскиот театар има реализирано над 20 претстави, меѓу кои „Солунски патрдии“, „Молам за секс“, „Смешни пари“, „Кумови“ и други.

- Секогаш сум бил радосен кога сум доаѓал да режирам тука, иако зградата се распаѓа. Мирисот што го има театарот, овдешните луѓе прават да работам со големо задоволство. И да се чувствувам многу убаво - вели Ангеловски.
Извор: Нова Македонија

Галерија на отворено

Идејата од пред три години Прилеп - град на скулптури да прерасне во град со галерија на отворено заживува.
Дел од непроценливото богатство од над 300 скулптури, создавани педесетина години, кои го красат и ќе го красат Прилеп, облагородувајќи го централното градско подрачје, ќе си најдат соодветно место. Тоа е целта на проектот Галерија на отворено на локалната самоуправа и Центарот за современа ликовна уметност.
"Од веќе евидентираните и документирани 111 скулптури, за еден месец на соодветни и пригодни места ќе бидат поставени првите педесетина скулптури", вели Снежана Ристеска, советник за култура. Во моментот четириесетина скулптури во мермер, дрво и метал, изработувани од светски познати уметници - учесници на симпозиумите во рамките на Прилепското уметничко лето, го красат Прилеп и неговата околина и дел од фабрички кругови. "Но некои се и на несоодветно место, па целта е со проектот секое уметничко дело да се најде на вистинското место и со уметнички впечаток да го привлече вниманието на намерниците во Прилеп. Дел од вредното уметничко богатство од над 300 скулптури го красат и Градскиот парк во Скопје и во Битола", вели секретарот на Центарот за култура Диме Јанески, потенцирајќи дека четири скулптури од Прилеп се поставени и во Националната галерија во Скопје.
Извор: Вест

Избрани претставите за МТФ „Војдан Чернодрински“ 2009

Претставата „Свето срце“ од Љубиша Георгиевски, во продукција на Македонскиот народен театар, ќе го отвори 44. Македонски театарски фестивал „Војдан Чернодрински“, кој ќе се одржува од 5 ти до 11 јуни, соопшти денеска Петар Темелковски, претседател на Собранието на Фестивалот и селектор на програмата.
Од 28 понудени претстави на македонските театри, тој за официјалната фестивалска програма избрал десет, кои ќе се натпреваруваат за наградата за најдобра претстава на годинашната национална театарска манифестација.
Покрај „Свето срце“, во трка за наградите се и претставите: „Црна се чума зададе” на Битолскиот театар, „Глогов жбун” на Штипскиот, „Тапани во ноќта“ на домаќинот - театарот од Прилеп, „Последниот ден на Мисирков” во продукција на Народниот театар од Струмица, „Кинегонда во Карлаленд” на Драмски театар-Скопје, „Тетовирани души” на Кумановскиот театар, „Тероризам“ на Народниот театар од Велес, „Албански ноќи” на Албанскиот театар - Скопје и претставата „Сијах Калем” на Турскиот театар - Скопје.
Наградата за животно дело, според одлуката на Собранието на МТФ „Војдан Чернодрински“, ќе ја добијат актерите Димитар Костов од Македонскиот народен театар и Љубица Гојковиќ од Народниот театар Куманово.
- Со радост констатирам дека театарот во Македонија оди по нагорна линија, творечки заздравува. Се трудев да ги одберам најдобрите претстави од тие што ги гледав, според мојот концепт. Оваа година ќе имаме пет-шест текстови од домашни автори, што е и целта и непишано примарно значење на овој фестивал, истакна Темелковски на прес-конференцијата. Претставите тематски и жанровски се различни и тој се надева дека понудената програма ќе го задоволи истенчениот театарски вкус и остриот критериум на публиката.
Во придружниот дел на фестивалската програма ќе има пет до осум претстави кои дополнително ќе бидат утврдени. Се договараат и четирите теми за кои ќе се дискутира, а ќе ги опфатат аспектите и проблемите на театарското творештво.
Во чест на актерите кои ќе ги освојат наградите на 44. фестивалско издание, на свеченото затворање Драмски театар ќе ја изведе претставата „Лебедова песна“ од Чехов во режија на Бранко Ставрев, која премиерно беше изведена на матичната сцена пред една недела.
Македонскиот театарски фестивал нема финансиски проблеми и ја има поддршката на Министерството за култура и прилепската локална самоуправа, кои се негови покровители.

Извор: МИА

Прилеп-лулка на културата

Во „Galerie du Crabe“ -Jodoigne-Белгија, од 2 - 25 мај, центарот за визуелни уметности „ВИЗАНТ“ ги промовира визуелните материјали: постер, плакат и поштенски картички со наслов „Прилеп-лулка на културата“. Преку овие материјали се промовира манастирскиот и црковен туризам.

-Промовирањето на Прилеп - неговиот културен идентитет, неговата околина како атрактивно место со идеални услови и потенцијали за заживување и понатамошен развој на локален туризам каде придобивки би имала самата локална заедница како дел од една услужна економија, така и за потенцијалните туристи, истата би претставувала и нова иницијатива за креирање на локалната туристичка политика вели Златко Крстевски.
Извор: Culture.in.mk

Мораториум IV

Едит: Фестивалот е преместен во клубот „Апореа“ поради неповолна временска прогноза. Во меѓувреме додадени се уште два други бенда: „Токсик“ од Прилеп и „А.Т.А.“ од Битола

WI-FI во центарот на Прилеп?

Според некои информации наскоро центарот на Прилеп би можел да биде покриен со WI-FI безжичен интернет. Тоа значи дека секој со лап-топ или мобилен телефон кој поддржува Wireless ќе може да си седна на клупите на плоштад и да си сурфа. Звучи одлично. Останува да се надеваме дека и ќе биде реализиран овај проект што поскоро.
Кога сме кај WI-FI, дали некој располага со листа на кафулиња во градот кои им овозможуваат ваква услуга на своите потрошувачи?

Сите во природа!

На 26.04.2009 ќе се одржи традиционалната планинарска акција СИТЕ ВО ПРИРОДА.

Целта на акцијата е поттикнување на граѓаните на Прилеп на се почесто движење во природа.
Секој учесник на акцијата треба да ја мине патеката која почнува околу 650м после подвозникот за с.Селце (каде што се дели патот за манастирот Св.Димитрија), па минува на чешмата Колкоец, чешмата Под плазо, споменикот на Спасе Темелкоски и завршува под Шаторов Камен.

Миленко Неделковски ја накодошил Победа

„...На сослушувањето беа презентирани и фактите на комисијата врз кои се темели ова обвинување, како исказ на стручно лице за следење на коефициентите на обложувалниците, а во улога на клучен сведок и информатор се појави спортскиот новинар Миленко Неделковски.“ Извор
Што да се каже? Македонскиот народ е познат по предавството на самиот себе. Луѓе без морал кои за ситни пари би го продале и сопственото дете. Особено боли што тоа е направено од човек познат криминалец кој лежел во затвори и јавно признал за сторени криминални дела. Човек без никакви морални вредности се обиде да му пресуди на цел еден клуб. Ова не беше напад врз луѓето кои што сториле криминал туку врз гордоста на градот, единствено и единствено заради сопствени профитерски интереси. Тој не ги засрами криминалците туку фудбалот и сопствената земја. Миленко Неделковски не е ништо подобар од луѓето кои што го предадоја Ченто заради сопствени позиции. Миленко е ништо друго туку предавник на сопствениот народ!

Победа суспендира на 8 години

Фудбалскиот клуб Победа од Прилеп осум години ќе нема право на настап на европската фудбалска сцена. Александар Забрчанец, првиот човек на овој клуб, и Николче Здравески, тогашен фудбалер на прилепчани, доживотно не ќе можат да извршуваат никакви функции во фудбалот. Неофицијално дознаваме дека ова е одлуката на дисциплинците на УЕФА по повод обвинувањата за местенка на мечот Победа - Пјуник од Ерменија (1-3), од квалификациите за ЛШ, во Скопје, на 13 јули, 2004 година. Прилепчани имаат право да се жалат на оваа одлука на дисциплинската комисија на УЕФА донесена вчера доцна попладне. Тоа ќе може да го сторат во рок од шест дена по добивањето на одлуката во писмена форма.

Прилепчани беа обвинети за непочитување на принципите за интегритет и фер плеј во фудбалот, манипулирајќи со резултатот на натпреварот од квалификациите за ЛШ, за да остварат незаконски добивка за себе и за трета страна. Обвинението УЕФА го темели според информации од обложувачката индустрија за нерегуларни уплати и на изјави од сведоци.
Извор: Дневник

„Тапани во ноќта“ гостува во Хрватска

Прилепскиот театар со најнаградуваната македонска претстава минатата година, „Тапани во ноќта“ од Брехт, во режија на Мартин Кочовски, од 19 до 22 април ќе гостува на сцените во Бјеловар и во Вараждин, Хрватска. Настапот во Бјеловар е на 20 април, кога претставата ќе биде изведена на седмиот фестивал „Бок фест“. На вараждинската сцена претставата ќе биде изведена на 21 април, во рамките на соработката меѓу прилепскиот и вараждинскиот театар.
Изведбата во Хрватска е петто гостување во странство за Прилепскиот театар со оваа претстава.
Лани „Тапани во ноќта“ се играа на сараевски МЕСС, каде што претставата освои три престижни награди, на љубљански „Експонто“, на белградскиот летен фестивал „Белев“ и на подгоричката сцена.
Од Центарот за култура „Марко Цепенков“ велат дека „Тапани во ноќта“ не само за прилепскиот театар, туку и за македонскиот, е вистински театарски бренд, претстава која плени со својата модерна естетика.
Бјеловарскиот „Бок фест“ почнува на 18 и ќе трае до 30 април, а се одржува под покровителство на градот Бјеловар и Министерството за култура на Хрватска. На него, освен што ќе се прикажат претстави за возрасни и за деца, ќе има и изложби и популарни перформанси.
Извор: Шпиц

Илија Мартиноски е македонски рекет број еден

Илија Мартиноски од вчера е новиот македонски рекет број еден откако на најновото рангирање на АТП-листата Предраг Русевски забележа огромен пад. Деветнаесетгодишниот прилепчанец во моментов го држи 816. место, што му овозможи да го симне Русевски од македонскиот тениски трон по долго време.
Русевски само го продолжи надолниот тренд на АТП-листата и со најновиот пад од дури 438 позиции, сега се наоѓа на 1.248. место, што придонесе да биде престигнат и од Димитар Грабулоски, кој е пласиран на 1.011. место. Во последните 14 месеци Русевски назадуваше за цели 1.006 места, откако во февруари минатата година го забележа рекордно високиот пласман на 242. место. Четвртиот македонски тенисер кој фигурира на АТП-листата е Шендрит Деари на 1.715. место, додека нашиот најискусен Дејвис куп-репрезентативец Лазар Магдинчев во моментов е без пласман.

„Скици 2008“ во Прилеп

На 03.04.2009 год. (петок), со почеток во 20ч. во Уметничката галерија на НУ Центар за култура "Марко Цепенков" - Прилеп, ќе биде отворена биеналната изложба на цртежи " СКИЦИ 2008". Организатор и координатор на проектот е Националната установа Центар за култура "Трајко Прокопиев" - Куманово. Изложбата за прв пат беше презентирана пред кумановската ликовна публика во декември 2008 г. На изложбата учествуваат шест кумановски академски сликари: Момчило Аврамовски, Дејан Арсовски, Зоран Арсовски, Борис Кукуњавски, Оливер Младеновски и Трајко Тошевски.
Извор: Culture.in.mk

Продажна изложба на роднокрајни издавачи и автори

Во градската библиотека „Борка Талески“ е поместена продажна изложба на десетина роднокрајни прилепски автори и неколку издавачки куќи од градов. Изложбата ќе биде отворена до трети Април, а има за цел запознавање и доближување на локалните писатели и нивните дела до читателите. Изложбата привлекува внимание бидејќи овие литературни дела многу потешко доаѓаат во рацете на читателите и ова е убава можност да се видат но и да се купат книги кои потекнуваат од нашиот град.

Бесплатен театар

По повод светскиот ден на театарот - 27 Март, Прилепскиот народен театар ќе прикаже 5 бесплатни претстави кои што се на редовниот репертоар. Бесплатните билети ќе можат да се набават два часа пред почетокот на претставите на билетарницата од театарот.

25.03 - „Госпоѓица Јулија“, режија: Кирил Петрески (19.30ч.)
26.03 - „Песијазол“, режија: Бранко Ставрев (19.30ч.)
27.03 - „Од кол на кол“, режија: Коле Ангеловски (19.30ч.)
28.03 - „Службогонци“, режија: Софија Ристовска (19.30ч.)
29.03 - „Волшебникот од Оз“, режија: Петар Димоски (11.00ч.)

Riders of the apocalypse

Ден на дрвото, Март 2009

Француската мода во 90-тите

Во галеријата на Градската Библиотека „Борка Талески“ вечерва е отворена изложбата на фотографии „Источен ветар“ посветена на влијанието на истокот во француската мода во 90-тите години. Поставени се триесетина фотографии. Изложбата е во соработка со Францускиот културен центар.

Минијатури на Шулајковски во Прилеп

„Допрен од звукот“ е насловот на изложбата на минијатури од Тони Шулајковски која ќе биде отворена вечерва во 19 часот во Центарот на културата „Марко Цепенков“ во Прилеп.Ќе бидат претставени 65 минијатурни дела работени во техниките акрил и масло на платно. Инспирацијата авторот ја наоѓа во електронскиот звук.
Шулајковски е роден во Скопје. Член е на ДЛУМ од 1993 година. Има реализирано 34 самостојни изложби и учествувал на 50-ина групни излагања. Добитник е на наградата „Константин Мазев - Коце“ за сликарство доделена од Културно-информативниот центар во Скопје.
Извор: Дневник

Локалитетот Локви кај Прилеп ќе биде природен резерват

Локалитетот Локви што се наоѓа на 3,5 км од прилепското село Големо Коњари ќе биде прогласен за природен резерват од прва категорија. Ендемскиот вид фауна вилинско ракче или хироцефалус пелагоникус што живее само во овие солени локви и никаде на друго место во светот ќе биде заштитен од државата. Во локвите има уште 50-ина други видови фауна, а 16 од нив се регистрирани во Европската книга на природни реткости.
Министерството за животна средина, локалната самоуправа, месното население и невладиниот сектор вчера во Прилеп почнаа јавна расправа пред подготовка на закон што треба да помине на Влада и да го усвои Собранието.
Вилинското ракче е со големина од два сантиметра. Поради спецификите на просторот и соленоста на водите, оваа уникатна, реликтна и ендемична фауна треба да се заштити, велат експертите.
„Својот животен циклус го почнува во рана пролет, а го завршува кон крајот на мај, кога женките ги полагаат резистентните јајца. Тие имаат дебела обвивка за да може да опстанат скриени во трските во студените зими и летната суша, кога локвите пресушуваат. Така, идната пролет при поволни услови се развива повторно вилинското ракче на длабочина до 60 сантиметри“, објаснуваат стручњаците.

Оваа природна реткост засега ја чуваат само жителите. Пред неколку години била поведена иницијатива за заштита на локалитетот, но како што велат жителите, ништо особено не е направено.
Вилинското ракче го има засега во три бари, на површина од околу 10 хектари кои се остаток од некогашното пелагониско блато.
За вилинското ракче знаеле и постарите жители на Големо Коњари, но не знаеле дека е природна реткост. Уште во турско време била позната солената вода, а локвите ги нарекувале солени бари.
Во 2001 година локалитетот е прогласен за заштитен од државата, но сега, согласно со новите законски регулативи и барања на ЕУ, треба да се изврши повторно прогласување за заштитен зоолошки објект.
Извор: Утрински Весник

Прилеп фолк-фест

Ансамблот Теодосиевски со песната "Родена за песна" е прва од публиката, додека дуетот Сузана Спасовска и Миле Кузмановски со песната "Што спечаливме" се први од жирито, на новоформираниот фестивал "Прилеп фолк фест" што се одржа во петокот вечерта петокот во Прилеп. Второто место според публиката припадна на необичниот дует "Биоритам" и Маја Вукичевиќ за песната "Еј дечко шетај", додека од жирито на Горан Тодоровски за песната "Живот". Третата награда од публиката замина во рацете на младата Тања Стефановска за песната "Љубовта", а третата од жири за Блага Петреска и песната "Песна за брат ми".
Првата награда за интерпретација ја доби сексапилната Јованка Житарова.
Домот на културата "Марко Цепенков" беше преполн со љубители на макдонската песна. "Убаво е луѓето да се расположат со музика додека не почнале предизборните кампањи" велеа прилепчани.
Извор: Вест

Во вторник премиера на „Таму каде што не сум бил“

Театарската претстава „Таму каде што не сум бил“ на режисерката Зоја Бузалковска после трите предпремиери, во вторник на 3 март во 19:30 часот ќе ја има својата премиерна изведба пред прилепската публика.
Текстот на Жанина Мирчевска е напишан со поетски јазик. Дејството го движат монолози, дијалози и монолошки форми, кои се специфични за изговор и за играње. Во претставата се зборува за човековата детерминираност, немоќта да се соочи со светот и со животот, за соодносот институција-индивидуа. - Човекот на сцена ги пренесува соништата, надежите, потребите, вербата, но и немоќта да сонува.„Живата кал“ која им се заканува на луѓето од ридот е клучното во претставата. Приказна во која завршува љубовта несреќно.
Ова е нешто сосема ново за прилепскиот театар но и за сите македонски театари во Македонија.
Претставата е на мала сцена со многу одлична и практична сценографија. Во дејствието на претставата е вклучена и публиката која е во самиот лавиринт на претставата.
Во „Таму каде што не сум бил“ играат: Игор Трпче, Дарја Ризова, Димитар Ѓорѓијоски, Александар Степанулески, Никола Настоски, Јамина Мицкоска-Станкоска, Марија Спиркоска-Илиески, Наташа Наумоска, Зоран Иваноски, Александар Тодески
После премиерата ќе почне да се работи вториот проект за годинава во прилепскиот театар ,комедија која ќе ја режира Коле Ангеловски.

Пуштена во употреба шаховската табла

Со првиот шаховски потег на градоначалникот Ристески, беше пуштена во употреба новата шаховска табла која е една од составните компоненти на новиот современ Арт плоштад. Арт плоштадот е надополнување на плоштадот Александрија, пред Центарот за култура “Марко Цепенков“, а покрај шаховската табла ќе содржи и патека на славните, која ќе претставува своевиден пандан на патеката на славните во Холивуд и водена завеса. Со ова комплетно ќе се уреди централното градско подрачје и ќе се надополни со еден современ уметнички простор, истакна градоначалникот Ристески.Новиот плоштад ќе биде на површина од 600 метри квадратни и за неговата доградба предвидени се 10 милиони денари.
Свеченото отворање беше крунисано со партија во влечење на брзи потези од страна на велемајсторот Ѕвонко Станоески, кој е четирикратен првак на Македонија во шах и редовен репрезентативец на Македонската репрезентација од 1994 год. и Тони Кироски интернационален велемајстор во шах и двократен првак на Македонија. Како надополнување на свеченото пуштање на шах таблата беше промоцијата на книгата “Шахот во Прилеп“ од Д-р. Наде Карачоска која претставува своевидно монографско, библиографско издание за историјата на овој спорт во нашиот град.
Извор: Општински веб портал