Илија Мартиноски од вчера е новиот македонски рекет број еден откако на најновото рангирање на АТП-листата Предраг Русевски забележа огромен пад. Деветнаесетгодишниот прилепчанец во моментов го држи 816. место, што му овозможи да го симне Русевски од македонскиот тениски трон по долго време.
Русевски само го продолжи надолниот тренд на АТП-листата и со најновиот пад од дури 438 позиции, сега се наоѓа на 1.248. место, што придонесе да биде престигнат и од Димитар Грабулоски, кој е пласиран на 1.011. место. Во последните 14 месеци Русевски назадуваше за цели 1.006 места, откако во февруари минатата година го забележа рекордно високиот пласман на 242. место. Четвртиот македонски тенисер кој фигурира на АТП-листата е Шендрит Деари на 1.715. место, додека нашиот најискусен Дејвис куп-репрезентативец Лазар Магдинчев во моментов е без пласман.
Русевски само го продолжи надолниот тренд на АТП-листата и со најновиот пад од дури 438 позиции, сега се наоѓа на 1.248. место, што придонесе да биде престигнат и од Димитар Грабулоски, кој е пласиран на 1.011. место. Во последните 14 месеци Русевски назадуваше за цели 1.006 места, откако во февруари минатата година го забележа рекордно високиот пласман на 242. место. Четвртиот македонски тенисер кој фигурира на АТП-листата е Шендрит Деари на 1.715. место, додека нашиот најискусен Дејвис куп-репрезентативец Лазар Магдинчев во моментов е без пласман.
